Inuttaasut 2050-imi ikilisimassapput
Sumiiffinni assigiinngitsuni innuttaasut amerlassusissaannik naatsorsuinermi misilittakkat aallaavigalugit naatsorsuutit inerneri, 1. januaari 2024-mi Kalaallit Nunaanni innuttaasut suiaassusaannik, ukiuinik, nunassittarnerillu suussusaannik aallaaveqartut ukiut 2050-imut qanoq isikkoqarumaarsinnaanerinut naatsorsuutaapput.
Innuttaasut Kalaallit Nunaanni inunngorsimasut 2050-imi tallimararterummik ikilisimassasut Ilimagilluinnarneqarpoq.
Kalaallit Nunaanni inunngorsimasut taamaallaat innuttaasut amerlassusissaanik naatsorsuinermut tunngavigineqarput. Naatsorsuutigineqarpoq Kalaallit Nunaata avataani inunngorsimasut 2024-misulli suiaassusaat ukioqqortussusaallu allanngorsimassanngitsut.
Innuttaasut naatsorsornerat, ukiuni immikkut qinikkani
|
|
2019 |
2024 |
2029 |
2034 |
2039 |
2044 |
2049 |
|
Ukiup aallartinnerani |
55.992 |
56.699 |
55.030 |
53.001 |
50.777 |
48.546 |
46.390 |
|
Kalaallit Nunaanni inuusimasut |
50.254 |
49.957 |
48.288 |
46.259 |
44.035 |
41.804 |
39.648 |
|
Inunngortut |
849 |
729 |
645 |
574 |
542 |
521 |
502 |
|
Toqusut |
517 |
501 |
522 |
539 |
552 |
543 |
519 |
|
Kalaallit Nunaannit nuuttut |
1.364 |
1.269 |
1.228 |
1.188 |
1.102 |
1.033 |
966 |
|
Kalaallit Nunaannut nuuttut |
933 |
731 |
745 |
735 |
676 |
634 |
581 |
|
Kalaallit Nunaata avataani inunngortut |
5.738 |
6.742 |
6.742 |
6.742 |
6.742 |
6.742 |
6.742 |
|
Ukiup naanerani |
55.893 |
56.389 |
54.670 |
52.583 |
50.341 |
48.125 |
45.988 |
1960-ikkunni inunngorsimasorpassuit ukiuni tulliuttuni ukioqqortussuserisassaat malillugit toqusartut amerlanerulissapput, kisianni ilimagineqarpoq siornatigut inuusartunit utoqqalinerusassasut. Innuttaasut agguaqatigiissillugu ukioqqortussusaat 2024-mi 35,5-iusoq 2050-imi 39,5-imut qaffassooq.
Ukiut qulit matuma siorna meeqqat ukiumut inunngortut 800-t missaaniittut maanna meeqqiornerup annikinnera tunngavigalugu ukiut qulit qaangiuppata 600-t missaaniilersimanissaat naatsorsuutigineqarpoq.
Ukiuni tulliuttuni 40-ni ilimananngilaq pilersuisussanut naatsorsuutit allanngungaarnissaat, utoqqaat meeqqallu nikingassutaat tunngavigalugit.
Naatsorsueqqissaartarfiup kisitsissaataasiviani, kisitsisit tunngaviusut tamarmik pissarsiarineqarsinnaapput innuttaasullu amerlassusissaanut tuungasunik imallit tabelit tallimat aamma pissarsiarineqarsinnaallutik.
Innuttaasut amerlassusissaat, 2024
Innuttaasut naatsorsornerat 1999 – 2050
Meeqqiorneq 1999 - 2049
Toqusartut 1999 – 2049
Nunanut allanut nuuttartut annertussusaat aamma annertussusissaat 1999 - 2049
Uani aamma periaaseq, paasissutissat tunngaviusut naatsorsueriaaserlu saqqummiunneqarput (taakkuli qallunaatut allaqqapput).